مۇناپىقلارنىڭ ئاللاھنىڭ كىتابى ۋە ئەلچىلىرىگە قارشى مەيدانى
ئاللاھ تائالا، مۇناپىقلارنىڭ ئۆزىنىڭ كىتابى ۋە ئەلچىلىرىگە قانداق پوزىتسىيە تۇتىدىغانلىقىنى بىلدۈرۈپ مۇنداق دەيدۇ:
﴿وَإِذَا قِيلَ لَهُمْ تَعَالَوْا إِلَى مَا أَنزَلَ اللَّهُ وَإِلَى الرَّسُولِ رَأَيْتَ الْمُنَافِقِينَ يَصُدُّونَ عَنكَ صُدُودًا٦١﴾
«ئى مۇھەممەد! ئۇلارغا: «ئاللاھ نازىل قىلغان قۇرئانغا ۋە رەسۇلۇللاھقا كېلىڭلار» دېيىلسە، مۇنافىقلارنىڭ سەندىن قاتتىق يۈز ئۆرۈگەنلىكىنى كۆرىسەن» – (4 – سۈرە نىسا، 61 – ئايەت).
﴿وَإِذَا قِيلَ لَهُمْ تَعَالَوْا يَسْتَغْفِرْ لَكُمْ رَسُولُ اللَّهِ لَوَّوْا رُءُوسَهُمْ وَرَأَيْتَهُمْ يَصُدُّونَ وَهُم مُّسْتَكْبِرُونَ٥﴾
«ئۇلارغا: «كېلىڭلار، رەسۇلۇللاھ سىلەر ئۈچۈن مەغپىرەت تىلىسۇن» دېيىلگەن چاغدا، ئۇلار باشلىرىنى تولغايدۇ. ئۇلارنىڭ تەكەببۇرلۇق قىلغان ھالدا يۈز ئۆرۈگەنلىكىنى كۆرىسەن» – (63 – سۈرە مۇنافىقون، 5 – ئايەت).
